Maksadı Âşıkların Menzil-i Cânân Olur
Maksadı 'âşıkların menzil-i cânân olur
İsmini yâd eylese vâlih u hayrân olur
Hakk vere cünbüşlerin 'afv ide kem işlerin
Menzili dervîşlerin kûşe-i vîrân olur
'Aşk ile kim âh ide kalbini âgâh ide
'Azmini dergâh ide ol ulu sultân olur
Kimde ki 'aşk buluna 'azm ide Hakk yoluna
Sırrı anın biline 'aşk nice pinhân olur
Kim ide hakkı edâ aşk ile kıla nidâ
Feyz-i Cenâb-ı Hudâ anda nümâyân olur
Fânî cihândan kesil âyine-i kalbi sil
Arsa-i mahşerde bil bir ulu dîvân olur
Mürşidi hem kim görür Hazret-i Hızr’ı bulur
'İlm-i ledünnü bilir sâhib-i 'irfân olur
Kılsa tecellî eğer vuslata erişe er
Kâfire kılsa nazar mazhar-ı îmân olur
Nakşî-i 'âşık sana 'aşk haberin ver bana
Menkıbe-i evliyâ reşk-i gülistân olur
İbrahim Nakşî Efendi
&
"Aşk, güzellik padişahının damına çıkılacak bir merdivendir; sen gel de miraç hikâyesini âşıkın yüzünden oku."
• Mevlana
&
Her seven, sevdiğinin semtinde sabahlar.. ve her ân akşamlar şehrine varamayanlar.
Mecnûn bir kıyâmettir gece gündüz her akşam.. her sabah bir mahşerdir Leylâ.
Urûc edendir âşık.. ve aşktır mîraca burak.
Mîracın hikâyesi âşıkın yüzünde midir.. yoksa her şey aşkın yüzünden mi?!
(https://youtu.be/rZeHcaKpBFI)